Астанадағы бас мешіттің атауы «Нұрсұлтан мешіті» болып өзгерді
Астанадағы бас мешіттің атауы өзгерді, енді ол «Нұрсұлтан мешіті» деп аталады. Қазақстан мұсылмандары діни басқармасы осындай мәлімдеме жасады.
“Республикалық Бас мешіт – елорданың ғана емес, барша Қазақстан мұсылман жамағатының ортақ рухани ордасы. Мешіт халық бірлігін нығайтуға, бейбітшілік пен келісімді дәріптеуге, ізгілік пен мейірімділік құндылықтарын насихаттауға, сондай-ақ имандылық пен адамгершілікке негізделген игі бастамаларды қолдауға қызмет етіп келеді”, – делінген ҚМДБ хабарламасында.
Жаңа атаумен республикалық Бас мешіт алдағы уақытта да халқымыздың рухани өміріне қызмет етіп, қоғамдағы бірлік пен ынтымақты нығайтуға, дәстүрлі рухани құндылықтарды сақтауға және игі бастамаларды дамытуға үлес қоса береді, деп жазады ҚМДБ ресми сайты.
