Шетелдік екі азаматқа елге кіруге тыйым салынды
Қостанай облысында сот шешімін елемеген екі шетелдік елден шығарылды. Бұл туралы fastnews.kz хабарлайды Polisia.kz.-ке сілтеме жасап.
Олардың бірі бірнеше рет ішімдік ішкені және қоғамдық орындарда қайыр сұрағаны үшін, екінші азамат есірткіні заңсыз сақтағаны және бөтеннің мүлкін ұрлағаны үшін қылмыстық жауапкершілікке тартылған. Алайда олар сот шешімін елемей құқық қорғау органдарынан жасырынып жүрген. Бүгінгі таңда құқық бұзушылар елден шығарылды. Заңнамаға сәйкес, оларға алдағы бес жылға дейін Қазақстанға кіруге тыйым салынды.
Өткен жылы көші-қон қызметі көші-қон заңнамасын бұзған 166 шетелдік елден шығарылып, оның 30-дан астамы мәжбүрлі түрде елден алыстатылды.
/сурет Polisia.kz. сайтынан алынды
