Қазақстанда қанша Ұлы Отан соғысының ардагері бар?
Елде көзі тірі 120 Ұлы Отан соғысының ардагері бар. Сондай-ақ жеңіске үлес қосқан 42 545 азамат тұрады. Бұл жайлы Еңбек министрлігі мәлімдеді.
/Сурет ашық дереккөзден алынды
- Соғыс ардагері – 120 адам
- Жеңіске үлес қосқан – 42 545 азамат
- Қоршаудағы Ленинград тұрғындары – 67 адам
- Концлагерьдің бұрынғы кәмелетке толмаған тұтқындары – 139 адам
- Соғыс кезінде жараланған, контузия, зақымдану немесе ауруы салдарынан мүгедектігі бар қайтыс болған адамның жұбайлары – 743 адам
- Соғыста қаза тапқан (қайтыс болған, хабар-ошарсыз кеткен) жауынгерлердің жесірлері – 2 адам
- Тыл еңбеккерлері – 41 594 адам, — делінген хабарламада.
Айтайық, биыл Ұлы жеңіске 80 жыл толады. Мерейлі мереке аясында ардагерлерге 5 млн теңге сыйақы беру жоспарланып отыр.
