Қызылордалық қаламгерлер байқауда жеңімпаз атанды

Наурыздың 2-сі күні Алматы қаласында Қазақстан Жазушылар одағы мен Ұлттық инженерлік академиясы бірлесіп ұйымдастырған «Еңбек адамы – 2025» республикалық шығармашылық байқауының салтанатты марапаттау рәсімі өтті, деп хабарлайды FASTNEWS.KZ.

Байқау Мемлекет басшысы Қасым-Жомарт Тоқаев жария­лаған «Жұмысшы мамандық­тар жылы» бастамасын қол­дау мақсатында өткізілді. Жоба­ның мақ­саты – өндіріс пен ин­женерлік саланың қоғамдағы мәртебесін арттыру, еңбек ада­мының шынайы бейнесін көр­кем әдебиет арқылы кеңінен насихаттау.

Байқауға республиканың әр айма­ғынан түскен 50-ден аса шығарманың 9-ы үздік деп танылып, арнайы дипломдар мен қомақты ақшалай жүлде тапсырылды. Айта кетейік, осы 9 жүлдегердің 5-еуі – Сыр бойынан шыққан қа­лам­герлер. Атап айтқанда, Шархан Қа­зы­ғұл Арал ауданының («Әулет» нон-фикшн романы үшін), Қуандық Тү­менбай Шие­лі ау­­данының («Бетпақты кезген біреу» деректі әңгімесі үшін), Ер­тай Айғалиев Жала­ғаш ау­данының («Су және То­ла­ғай» әңгімесі үшін), Жолтай Әл­машев Жаңақорған ау­­да­нының («Ғылымнан тапқан ба­қы­тын» деректі романы үшін) және Нұрлыбек Самат­ұлы Жа­лағаш ауданының («Көк­тет­кен көктемеген танаптарды» эссесі үшін) тумасы.

Фото: ҚЖО