Екі аптада LRT-ны 1 млн-нан астам жолаушы қолданды

Екі аптада LRT-ны 1 млн-нан астам жолаушы қолданды,- деп хабарлайды FASTNEWS.KZ — ақпараттық сайты.

Бұл жайлы бас қаланың әкімі Жеңіс Қасымбек әлеуметтік желідегі парақшасында жазды.

LRT ашылған сәттен бастап екі апта ішінде жолаушылар ағыны 1 млн адамға жетті. Күн сайын жолаушылар саны шамамен 65-75 мың адамды құрайды. Бұл көрсеткіш қалалық рельсті көліктің жаңа түрі елорда тұрғындары мен қонақтары арасында сұранысқа ие екенін көрсетеді.

LRT-ны белсенді пайдаланып, жаңа көлік жүйесіне сенім артқаны әрі инфрақұрылымға жауапкершілікпен қарағаны үшін жолаушыларға алғысымды білдіремін.

Сол сияқты LRT-ның Қосшы бағыты бойынша екінші кезеңін іске асыру жұмысы басталды. Жобаның жүзеге асуы көлік инфрақұрылымын одан әрі дамытуға мүмкіндік береді,- деді Астана қаласының әкімі.