Мәдениетке бөлінген қаржы – шоуға кетеді…
46. Құдайдың атын жамылғандар көбейген сайын, Құдай үнсіз қалуға мәжбүр.
47.Шындық – тыр жалаңаш жүреді. Оны көрген жұрт «не деген арсыз неме» деп сынап-сөгіп, теріс айналып кетеді.
48.Рухани жетілу — қымбат көлікпен мешітке барып, кедейдің хақысы туралы тебіреніп сөйлеу.
49.Күлкі – ең қауіпті реакция. Байқау керек. Ол шындықты да, өтірікті де бірдей мазақтай алады.
50.Қоғам еркін болса — цензура қажет емес. Ал бізде цензураның өзі еркін.
51.Баршаға ұнайтын адам – айна емес, хамелеон. Түпнұсқасы қандай екен? Оны өзі де білмейтін шығар.
55.Сені асыра мақтаған адамның басқа ортада не айтатынын тыңдауға жүрек керек…
56.Ойланатын адам – үнемі ыңғайсыз. Өйткені күле бермейді. Ал кәсіби ақымақ – әр салада пікір білдіре беретін шебер, күлу өнерін меңгерген!
57.Мәдениетке бөлінген қаржы – шоуға кетеді, ал руханиятқа бөлінген қаржы – шапанға.
Бауыржан Қарағызұлы
#бауыржанқарағызұлы #ойлар
