Аптап ыстық басылады: Қазақстанда алдағы күндері ауа райы қандай болады
Қазақстан аумағы арқылы белсенді циклондар мен оларға байланысты атмосфералық фронттар жылжиды. Соның әсерінен ауа райы тұрақсыз болады.
Алдағы күндері ел аумағында күн жауын-шашынды болады, кей жерлерде найзағай ойнайды.
Қазақстанның батысында, солтүстігінде, 19-20 маусымда солтүстік-батысында қатты жаңбыр жауып, кей жерлерде бұршақ түсуі мүмкін.
Солтүстік және шығыс аймақтарда күндізгі уақытта ыстық біртіндеп басылады. Ауа температурасы +20…+28 °C дейін төмендейді деп болжануда.
/сурет ашық дереккөзден алынды
