«30 күн ойын, 40 күн той»: Жазира мен Жанболат Аралда тағы да той жасады
Танымал әнші Жазира Байырбекова отбасындағы қуанышты сәтімен бөлісті. Өнер иесі әлеуметтік желідегі парақшасында жалғыз ұлына екінші рет той өткізгенін жазды, деп хабарлайды Ozgeris.info сайты.
Әншінің айтуынша, думанды шара Арал өңірінде, туған жерінде ұйымдастырылған. Ол той барысында үлкендердің батасын алып, ағайын-туыс, көрші-қолаң және достарымен бірге қуанышты бөліскенін жеткізді.
«30 күн ойын, 40 күн той – береке мен қуаныштың белгісі. Аллаға шүкір, Аралға барып, туған жерімізде әдемі той өткіздік. Баршаңызға үлкен рақмет!» – деп жазды ол.
Сондай-ақ әнші барша жұртқа ақ тілегін арнап, әр шаңыраққа қуаныш, береке мен молшылық тіледі.
