Бүгін — Шәмші Қалдаяқовтың туған күні
Бүгін – қазақ музыкасының алтын қорына өлшеусіз үлес қосқан, Қазақстанның халық әртісі, Еңбек Ері, ұлы композитор Шәмші Қалдаяқовтың туған күні.
Отырардың қасиетті топырағында дүниеге келген «Вальс королі» биыл 96 жасқа толар еді. Ғасырдың сырын әнге сыйдырған сазгердің артында 300-ден астам шығарма қалды. Оның «Арыс жағасында», «Сыған серенадасы», «Кешікпей келем деп ең» секілді әндері әлі күнге дейін халық жүрегінен ерекше орын алып келеді.
Шәмші Қалдаяқов шығармашылығының басты өзегі – туған жерге деген махаббат, елге деген сағыныш, адамға деген құрмет пен достықтың қадірі. Сондықтан оның әндері бір дәуірдің ғана емес, бірнеше буынның рухани мұрасына айналды.
Ал композитордың өлмес туындыларының ішіндегі ең биігі – «Менің Қазақстаным». Ел рухын асқақтатқан бұл ән 2006 жылы Қазақстан Республикасының Мемлекеттік Әнұраны болып бекітілді.
Шәмші әндері – уақыт өткен сайын көмескіленбейтін, қайта әр буынмен бірге жаңғыра түсетін қазақ рухының әуені.
