2025 жылғы 30 мамырдағы жағдай бойынша Құлсарыдағы «Ниет» жанар-жағармай құю бекетіндегі өрттен зардап шеккен 14 адам шұғыл түрде Жылыой аудандық орталық ауруханасының қабылдау бөліміне жеткізілді. Қазіргі уақытта олардың өміріне қауіп жоқ. Бұл туралы Атырау облысының денсаулық сақтау басқармасына сілтеме жасай отырып El.kz интернет порталы хабарлайды.

«Бастапқы медициналық тексеру мен тиісті диагностикадан соң 10 науқас ауруханаға жатқызылды. Төрт адам амбулаториялық бақылауда. Қазіргі жағдайда ауыр реанимациялық науқас жоқ. Ауруханаға жатқызылған 7 науқастың жағдайы — орташа ауыр, 3 пациенттікі — тұрақты», делінген мәліметте.

Зардап шеккендер тиісті медициналық көмекті толықтай қамтылды. Аймақ басшысының тапсырмасы бойынша Жылыой аудандық орталық ауруханасына Атыраудан мамандар мен медицина қызметкерлері қосымша көмекке жіберілді, олардың қатарында күйік орталығының дәрігерлері де бар.

Айта кетейік, Құлсарыдағы жанар-жағармай құю бекетінде жарылыс болып, екі адам қаза тапты. Төтенше жағдайға байланысты облыс әкімі жедел штаб отырысын өткізген еді.

Фото: instagram.com/atyrau_oblysynyn_akimdigi

Артқа
Алдыңғы

Басқа да жаңалықтар

Басқа да жазбалар:Әлеумет

Пікір қалдырыңыз

Ваш адрес email не будет опубликован. Обязательные поля помечены *