Қазақстан агроөнеркәсіптік кооперацияны дамытуға бағытталған пилоттық жоба аясында Моңғолиядан 500 мың бас ешкі сатып алуға қызығушылық танытты. Бұл туралы Қазақстан Республикасы Премьер-министрінің орынбасары – Сыртқы істер министрі Мұрат Нұртілеудің моңғол тарапының шақыруымен Моңғолияға жасаған ресми сапарының қорытындысы бойынша ҚР Сыртқы істер министрлігінің баспасөз қызметі мәлімдеді, деп хабарлайды BAQ.KZ тілшісі.

Аталған жоба жүн мен мал шаруашылығы өнімдерін қайта өңдейтін бірлескен өндірістерді құруды көздейді.

Министрлік таратқан мәліметке сәйкес, Мұрат Нұртілеу «іскерлік байланыстарды жандандыруды ұсынып, моңғол компанияларын өзара тиімді ынтымақтастыққа шақырған».

Қазақстан Ұлттық экономика министрлігі Статистика комитетінің деректеріне сүйенсек, 2025 жылғы 1 маусымдағы жағдай бойынша республикада 26 288 қой мен ешкі бар.

Бұған дейін, биыл наурыз айында Венгрия Ауыл шаруашылығы министрі Иштван Надь еліндегі Пржевальский жылқыларының жартысын – барлығы 300 бастың ішінен 150-ін Қазақстанға беретінін мәлімдеген еді. Бұл – Қазақстанда жойылып кеткен түрді қайта қалпына келтіру бағдарламасының бір бөлігі болмақ. Жылқылар Қостанай облысындағы мемлекеттік «Алтын дала» табиғи резерватының дала аумағына жіберіледі. Бұл аймақ — тарихи тұрғыдан алғанда бұл жануарлардың табиғи мекен ету ортасы.

Еске салсақ, Моңғол тарапының шақыруымен Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Моңғолияға ресми сапармен барғанын хабарлаған болатынбыз.

       

Артқа

Басқа да жаңалықтар

Басқа да жазбалар:Жаңалықтар

Пікір қалдырыңыз

Ваш адрес email не будет опубликован. Обязательные поля помечены *