Шалғай ауылға ауызсу барды — Қызылорда
Мұрат Жолкелдіұлы аймақ басшысы Нұрлыбек Машбекұлының құттықтауын жеткізіп, мемлекет қолдауымен игілікке кенелген ауыл тұрғындарына ізгі тілегін айтты.
«Бүгін Тастүбекке орталықтандырылған ауыз су жеткізілді. Жобаны іске асыруға 1 млрд. 200 млн. теңге қаралған. Атап өту қажет, қаржы заңсыз иемденген активтер есебінен бөлінген. Мемлекет басшысы заңсыз иемденген активтерді қайтарып, бүкіл елдегі әлеуметтік нысандар құрылысына, жаңғырту жұмыстарына жұмсау туралы тапсырма бергені белгілі.
Бұған дейін ауыл тұрғындары ауыз суды жерасты құдығынан тасымалдап, тұтынып келді. Енді сол қиыншылықтардың барлығы артта қалды. Ауыз су әрбір тұрғын үйге жеткізілді. Барша тастүбектіктерді құттықтаймын! Сапалы таза суды игіліктеріңізге пайдаланыңыздар! Халқымыз аман болып, береке-бірлігіміз арта берсін», – деді М.Тлеумбетов.
Жиында ауданның дамуына елеулі үлес қосқан азаматтар мен ауыз су желісін тартқан мердігер мекеме қызметкерлері облыс әкімінің Алғыс хатымен марапатталды. «Жамбыл» өндірістік кооперативінің төрағасы, еңбек ардагері Табын Әленов батасын берді.
Айта кетейік, Мемлекет басшысының 2025 жылы еліміздің барлық аймағын 100 пайыз ауыз сумен қамтамасыз ету тапсырмасын орындау мақсатында өңірде 2022 жылдан бастап 35 млрд. 500 млн. теңгенің 77 жобасы жүзеге асты. Өткен жылдың қорытындысымен облыс халқының 98,6 пайызы
орталықтандырылған ауыз суға қосылса, биыл 9 елді мекенге ауыз су желісі тартылып, көрсеткіш 100 пайыздық межеге жетті.
Арал ауданындағы 5 елді мекенге су жеткізу үшін 12 млрд 700 млн. теңге бөлінді.
Фото: Қызылорда облысының әкімдігі
