ҰБТ ережелері: аудиторияда неге тыйым салынады және неге рұқсат етіледі?

ҰБТ-да:

— аудиториядан рұқсатсыз және сүйемелдеусіз шығуға;

— аудиториядан 10 минуттан артық шығуға;

— сөйлесуге, орын ауыстыруға;

— А4 парақтарымен алмасуға және аудиториядан шығаруға;

— тыйым салынған заттарды қолдануға;

— тестілеу кезінде шулауға;

— тест тапсырмаларының мазмұнын талқылауға және жариялауға;

— тестілеу жүйесіне сырттан араласуға;

— техниканы қасақана бүлдіруге тыйым салынады.

Аудиторияда тыйым салынған заттың тәркіленуі немесе тәртіп сақтау ережесін бұзған тест тапсырушы тестілеуді аяқтай алмайды және нәтижесі жойылады.

ҰБТ барысында

— сұрақ болса, тестілеу администраторын шақырып, сұрауға;

— су ішіп, шоколад жеуге;

— орында отырып жаттығу жасауға;

— Менделеев кестесінің қағаз нұсқасын сұрауға;

— жұмыс үшін берілген парақтар жетіспесе, қосымша сұрауға рұқсат етіледі.

Еске сала кетейік, бұған дейін қаңтар айында өтетін Ұлттық бірыңғай тестілеу басталғанын жаздық. Ол 10 ақпанға дейін жалғасады.

Фото: Ғылым және жоғары білім министрлігі