Бүгін Қызылорда облысына қарасты Қармақшы ауданында жыр додасы өтті. Жоғары дәрежелі ұстаз, тыл ардагері Ақбалыш Жалғасованың өнегелі өмір жолын насихаттау, жас ақындардың шығармашылығын қолдау және ұлттық өнерді дамыту мақсатында «Ұстаз – Ана» атты облыстық ақындар мүшәйрасы алтыншы рет ұйымдастырылып отыр.

Дәстүрлі жыр сайысының шымылдығын аудан әкімі Жандос Еркінбек ашып, қатысушыларға сәттілік тілеп, ізгі лебізін білдірді.

Дүбірлі додада өңірдің 21 ақыны Ақбалыш Жалғасованың еңбек жолы мен тағылымды өмірін жырға қосып, Қармақшы өлкесінің тарихы мен қасиетін тереңнен толғап, көрермендердің ыстық ықыласына бөленді.

Ақындардың өнерін Қазақстан Республикасының мәдениет қайраткері Берік Саймағамбетов, республикалық «Әлімсақ» журналының бас редакторы Нұрлан Көбегенұлы, «Қармақшы таңы» газетінің бас редакторы Сәрсенкүл Жаудатбекқызы саралады.

Жарыс қорытындысы бойынша жүлделі үшінші орынды Қармақшы ауданынан Орынбасаров Ердәулет пен Қызылорда қаласынан Төлеубай Нұргүл иеленсе, екінші орын Жалағаш ауданынан Сәния Жақып пен Қармақшы ауданынан Тәңірбергенова Мөлдірге бұйырды. Бірінші орынды Жалағаш ауданынан Әдіс Шерхан жеңіп алса, жыр додасының бас жүлдесін Қармақшы ауданынан Санақұл Бексұлтан иеленді.

Барлық қатысушыларға дипломдар, алғыс хаттар және қаржылай сыйлықтар табысталды.

Қармақшы ауданы әкімдігінің баспасөз қызметі

Артқа
Алдыңғы

Басқа да жаңалықтар

Басқа да жазбалар:Жаңалықтар

Пікір қалдырыңыз

Ваш адрес email не будет опубликован. Обязательные поля помечены *