Елімізде тұрғын үй құрылысын дамытуға 500 млрд теңге бөлінеді
Үкімет отырысында ҚР өнеркәсіп және құрылыс министрі Ерсайын Нағаспаев биыл елімізде тұрғын үйді пайдалануға беру жоспары туралы баяндады.
Ол 2025 жылдың нысаналы көрсеткішіне қол жеткізу үшін 19 млн шаршы метр тұрғын үйді пайдалануға беру үшін «Бәйтерек» арқылы 500 млрд теңге қосымша қаражат бөлу мәселесі пысықталатынын атап өтті. Мәселен, 21 мың жалға берілетін пәтерлерді сатып алу үшін 300 млрд теңге инженерлік-коммуникациялық инфрақұрылымға 120 млрд теңге, Отбасы Банкінің «2-10-20» және «5-10-20» ипотекалық бағдарламалары бойынша 80 млрд теңге бөлінеді.
/сурет ашық дереккөзден алынды
