Бүгін — Халықаралық музей күні!
Мерейлі мереке қарсаңында музей мамандарын Мәдениет және ақпарат министрі Аида Балаева құттықтады.
Бүгін әлем жұртшылығы тарих пен мәдениеттің, ұрпақ жадының аманатшыларына арналған мереке – Халықаралық музей күнін атап өтуде.
«Биыл елімізде Қытай мен Германия музейлерімен бірлескен халықаралық бастамалар, әйгілі Третьяков галереясында өтетін отандық өнер туындыларының көрмесі секілді ауқымды жобалар жүзеге асырылмақ.Осы орайда, музей саласында қажырлы еңбек етіп жүрген барша мамандарға – ерен еңбектеріңіз, жанашырлықтарыңыз, шығармашылық ізденістеріңіз бен мамандыққа деген адалдығыңыз үшін шынайы ризашылығымды білдіремін!», — деді Аида Балаева.
