Қызылордада жұмысшы мамандықтар жылына орай марафон өтті

Мемлекет басшысы Қасым-Жомарт Кемелұлы Тоқаев 2025 жылды «Жұмысшы мамандықтар жылы» деп жариялаған болатын.

Осыған орай, бүгін облыстық дене шынықтыру, спорт және туризм басқармасының ұйымдастыруымен Қызылорда қаласында білім саласы қызметкерлері сондай-ақ, қарапайым жұмысшылар арасында жүгіруден марафон өтті.

Бұл марафонның негізгі мақсаты – өңірде бұқаралық спортпен шұғылданушылардың санын арттырып, қарапайым еңбек адамдарының спортқа қызығушылығын арттыру.

Аталған жарысқа барлығы 170-ке жуық адам қатысты. Жүйріктер жарысы шаһардың сол жағалауында ұйымдастырылып, қатысушылар 5 шақырымдық қашықтықты бағындырды. Мәре сызығын алғаш болып кесіп өткендерге арнайы алғыс хат пен медальдар табысталды.

Жарыс нәтижесіне тоқталсақ,

Қыздар арасында:

І орын – Рашида Сарбасова (20 минут 23 секунд)

ІІ орын – Ирина Юнкинг (22 минут, 13 секунд)

ІІІ орын – Ақтолқын Жанболатова (22 минут, 30 секунд)

Ерлер арасында:

І орын – Данияр Абляхатов (16 минут, 15 секунд)

ІІ орын – Данияр Оразбеков (17 минут, 25 секунд)

ІІІ орын – Талант Тілеуов (18 минут, 49 секунд)

Қызылорда облысының дене шынықтыру,

спорт және туризм басқармасы

Фото: «Сыр спорты» парақшасынан