Атақты боксшы Майк Тайсон Қазақстанда жекпе-жек өткізе ме?
Бокстан ауыр салмақтағы бұрынғы абсолютті әлем чемпионы, аты аңызға айналған америкалық Майк Тайсон Қазақстанда жекпе-жек өткізуі мүмкін, деп хабарлайды Kazinform Sportnews.kz сайтына сілтеме жасап.
Шоуды ұйымдастырушылар ММА ұйымындағы әйгілі файтер Федор Емельяненконы Қазақстанға «Темір Майкқа» қарсылас ретінде шақыруды жоспарлап отыр.
— Біздің жоспарларымызға Майк Тайсон мен Федор Емельяненконың жекпе-жегін ұйымдастыру кіреді. Бұл бағыттағы жұмыстар қазірдің өзінде қызу жүріп жатыр. Майк Тайсонды шақырғымыз келетін турнирді желтоқсан айына жоспарлап отырмыз, – деді Астанада өткен баспасөз мәслихатында Alash Pride лигасының президенті Әлімжан Бектаев.
Майк Тайсоның спорттық мансабында 50 жеңіс (44 нокаутпен) және 7 жеңіліс бар. Былтыр ол қарсыласы Джейк Полдан бірауыздан жеңіліп қалған болатын.
Еске сала кетейік, бұған дейін бұған дейін қазақстандық 22 жасқа дейінгі 9 боксшы Азия чемпионы болғанын жазған едік.
Фото: instagram/miketyson
