Қызылордалық оқушылар кинологиялық орталықтың жұмысымен танысты
«Халықаралық нашақорлыққа қарсы күрес күніне» орайластырылған айлықтың аясында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлері кинологиялық орталыққа экскурсия ұйымдастырды, деп хабарлайды FASTNEWS.KZ — ақпараттық сайты.
Оқушыларға Кинологиялық орталықтың аумағы көрсетілді. Балалар кинологтар мен олардың қызметтік иттерінің жұмысымен танысты, атап айтқанда: есірткі, жарылғыш заттарды іздеу, қылмыскерді құрықтау жұмыстарын көрді.
Кездесу барысында экскурсанттарға қызметтік иттердің тұқымдары мен әдеттері, оларды есірткінің заңсыз айналымына қарсы күресте қолдану мүмкіндіктері туралы айтылды, сондай-ақ қызметтік иттердің ұзақтыққа жүрігу мен түрлі кедергілерді алу тәсілдері көрсетілді.
Фото: Полиция департаменті
