Астанада №104 LRT станциясына үшінші құрам қойылды
Аталған жаңалықты City Transirtation Systems ЖШС-інің баспасөз қызметі мәлім етті, деп хабарлайды FASTNEWS.KZ.
Бүгін Қабанбай батыр даңғылы бойында «Астана жұлдызы» стелласы маңындағы №104 пен №105 станциялары арасындағы жол аймағында LRT жүйесінің үшінші пойызы эстакадалық жолға көтерілді. Құрам төрт вагоннан тұрады.
Құрамды көтеру жұмысы LRT жүйесінің сынақ учаскесін кеңейту аясында жүргізілуде.
«18 қазанда сағат 11.00-13.00 аралығында Ш.Қалдаяқов көшесі мен Тәуелсіздік даңғылының қиылысында №113 (Министрліктер үйі) және №114 (Ұлттық музей) станциялар арасындағы аралықта LRT төртінші құрамы қойылады», — делінген хабарламада.
Фото: City Transportation Systems ЖШС
