Таяу Шығыстағы 6 мыңнан астам отандасымыз елге оралды.

Таяу Шығыс елдерінен қазақстандықтарды елге қайтару жалғасуда

7 наурыздан 8 наурызға қараған түні Таяу Шығыс бағытынан Қазақстанға бірнеше әуе рейсі орындалды. Қазақстандық және шетелдік әуе компаниялары ұйымдастырған 11 рейс арқылы елге 1 786 жолаушы жеткізілді.

Ұшуларды Air Astana, SCAT, Flydubai және Air Arabia әуе тасымалдаушылары жүзеге асырды.

Бүгін, 8 наурыз күні де азаматтарды елге жеткізу жұмыстары жал

ғасады. Қазақстандық және халықаралық әуе компаниялары осы бағытта тағы бірқатар рейстер орындауды жоспарлап отыр.

Жалпы мәліметке сәйкес, 3 наурыздан бастап Таяу Шығыс елдерінен Қазақстанға 37 рейс орындалып, нәтижесінде 6 254 адам елге оралды.
Азаматтарды елге қайтару шаралары кезең-кезеңімен жалғасуда.