Қырғызстан Президенті Садыр Жапаров «Қырғыз Республикасының Президентін және Жогорку Кенеш депутаттарын сайлау туралы» конституциялық заңына енгізілген түзетулерге қол қойды. Көрші елдің халқы президентті 2027 жылғы 27 қаңтарда сайлайды.

Құжаттан белгілі болғандай, енді Қырғызстанда сайлау сәрсенбі күндері өткізіледі. Бұған дейін олар жексенбіде тағайындалатын.

Сонымен қатар, заңда мыналар жазылған:

  • Президенттің кезекті сайлауы оның өкілеттік мерзімі аяқталатын жылдың қаңтар айындағы төртінші сәрсенбісінде өткізіледі;

  • Жогорку Кенеш депутаттарының кезекті сайлауы қолданыстағы Жогорку Кенеш шақырылымының конституциялық мерзімі аяқталатын айдың сәрсенбісінде өткізіледі.

Дауыс беру күні демалыс күні болып саналатыны, бірақ жұмыс күні ретінде жалақы сақталатыны нақтыланады. Бұл жұмыс берушінің барлық меншік нысанына қатысты.

Айта кетейік, Жогорку Кенеш конституциялық заңға енгізілген түзетулерді 24 маусымда қабылдады.

Фото: ашық дереккөз

Артқа
Алдыңғы

Басқа да жаңалықтар

Басқа да жазбалар:Әлеумет

Пікір қалдырыңыз

Ваш адрес email не будет опубликован. Обязательные поля помечены *