Елде азық-түлік арзандады

Ұлттық статистика бюросының дерегінше, 9 қыркүйекке дейінгі бір аптада әлеуметтік маңызы бар азық-түлік тауарларының бағасы төмендеді.

Ең көп арзандаған өнімдер:

 картоп – 6,9%

пияз – 5,9%

ақ қырыққабат – 5,1%

сәбіз – 4,5%.

Пияздың орташа бағасы – 156 теңге, сәбіз – 227 теңге, картоп – 217 теңге. Бұл өнімдердің ең төмен бағасы Павлодарда тіркелді. Қызанақтың орташа бағасы – 586 теңге, сүйекті сиыр еті – 3819 теңге, тауық еті – 1747 теңге.

Сондай-ақ алма – 0,8%-ға, нан – 0,4%-ға, ірімшік – 0,3%-ға арзандаған. Ұн, кеспе, сүт және сүзбе бағасы өзгермеген.

Фото: Ашық дереккөз