Трамп Ресей мен Украина арасында үш күндік бітім жариялады
Трамп Ресей мен Украина арасындағы үш күндік бітім жариялағанын мәлімдеді. Оның айтуынша, бітім 9–11 мамыр аралығында жалғасады.
Трамптың мәлімдеуінше, бітім барлық әскери әрекеттерді тоқтатуды, сондай-ақ әр тараптан 1000 адамнан тұтқын алмасуды қамтиды.
Ақ үй басшысы бұл Путин мен Зеленский қолдаған өзінің жеке бастамасы екенін атап өтті.
Трамп Ресей мен Украина арасындағы үш күндік бітім мен тұтқын алмасу туралы жариялады
«Ресей мен Украина арасындағы соғыс 9, 10 және 11 мамыр күндері үш күндік атысты тоқтату режимі жарияланатынын қуана хабарлаймын. Ресейде бұл күндері жеңіс күні атап өтіледі, алайда бұл дата Украина үшін де маңызды, себебі ол да Екінші дүниежүзілік соғыста маңызды рөл атқарды» деп жазды АҚШ президенті өзінің Truth Social әлеуметтік желісінде.
Трамптың айтуынша, атысты тоқтату режимі барлық әскери әрекеттерді толық тоқтатуды, сондай-ақ тұтқындарды «1000-ға 1000» форматы бойынша алмасуды қарастырады.
Америка көшбасшысы бұл бастаманы жеке өзі ұсынғанын, ал оған Ресей президенті Владимир Путин мен Украина президенті Владимир Зеленский келіскенін мәлімдеді.
Трамп қол жеткізілген келісім соғысты аяқтауға жасалған қадам болады деген үміт білдірді. Оның сөзінше, әскери әрекеттерді толық тоқтату жөніндегі келіссөздер жалғасып жатыр және тараптар бейбіт келісімге «барған сайын жақындап келеді».
Еске салсақ, жақында Зеленский Ереван қаласында өткен Еуропалық саяси қауымдастық саммитінің ашылуында осы тақырыпты қозғады.
Ол жыл сайын Мәскеуде 9 мамырда екінші дүниежүзілік соғыстың жеңіспен аяқталуына орай өткізілетін парад қарсаңында мәлімдеме жасады.
«Ресей 9 мамырға парад жариялады, бірақ бұл парадта әскери техника болмайды. Егер бұл рас болса, онда бұл — көптеген жылдар ішінде алғаш рет, олар парадта қару-жарақтың болуына мүмкіндік бере алмай отыр. Сондай-ақ украин дрондары да бұл парадқа жетуі мүмкін. Бұл олардың бұрынғыдай мықты емес екенін көрсетеді», — деді Зеленский.
Сонымен қатар, ол Армения мен Әзербайжан арасындағы орнаған бейбітшілікті құптады. Украина басшысы бұл Украина президентінің Арменияға алғашқы сапары екенін атап өтіп, оның «өмірді маңызды санайтындардың бірлігінің ауқымын көрсететінін» айтты.
Фото: ашық дереккөз
