ҰБТ: Тест тапсырушылардың 43 пайызы шекті балл жинай алмады

2026 жылғы 10 мамырда басталған негізгі Ұлттық бірыңғай тестілеуге қатысушылар саны 139 мыңға жуықтады. Тестілеу нәтижелері бойынша талапкерлердің басым бөлігі емтиханды қазақ тілінде тапсырған.

Атап айтқанда, қатысушылардың 71%-ы қазақ тілін таңдаса, 29%-ы тестілеуді орыс тілінде тапсырған. Сонымен қатар, 259 талапкер ағылшын тілінде білімін сынады.

Үшінші аптаның қорытындысы бойынша талапкерлердің 67%-ы шекті балл деңгейінен өтті. Қалған білім алушылар сынақтан сүрінді. Ал бес пән бойынша орташа нәтиже 65 балды құрады.

Тестілеудегі ең жоғары көрсеткіш – 140 балл. Бұл нәтижеге талапкер Әсет Альтаир қол жеткізді.

Сондай-ақ негізгі ҰБТ-ға ерекше білім беру қажеттіліктері бар 392 талапкер қатысып, өз білімдерін бағалау мүмкіндігіне ие болды.