Қазақстанның 11 өңірінде 20 мың оқушыға арналған 13 заманауи колледждің құрылысын бастау жоспарлануда. Бұл туралы Үкімет отырысында Оқу-ағарту министрі Жұлдыз Сүлейменова мәлімдеді.

Министрдің айтуынша, жаңа колледждер өңірлердегі білім беру орындарының тапшылығын төмендетіп, жастарды қазіргі заман талабына сай, толық жабдықталған оқу орталарында сапалы кәсіптік білім алуға мүмкіндік туғызатын болады.

Қазіргі уақытта жергілікті атқарушы органдар мен жұмыс берушілердің қолдауымен 174 колледж, ал жер қойнауын пайдаланушы ұйымдардың көмегімен тағы 13 колледж қажетті техника және құрал-жабдықтармен қамтамасыз етілген.

Алайда, министрлік мәліметінше, еліміздегі 143 мемлекеттік колледждің материалдық-техникалық базасын жаңарту жұмыстары шұғыл түрде жүргізілуі қажет.

Бұл бастама кәсіби мамандар дайындау сапасын арттырып, еңбек нарығының сұранысына тиімді жауап беруге бағытталған маңызды қадам болып саналады.

Артқа
Алдыңғы

Басқа да жаңалықтар

Басқа да жазбалар:Әлеумет

Пікір қалдырыңыз

Ваш адрес email не будет опубликован. Обязательные поля помечены *