Ел аумағының 71%-ында қар жатыр

Үкімет отырысында су тасқынына байланысты дайындық пысықталды. Ел аумағының 71%-ында қалың қар жатыр. Бұл туралы Экология және табиғи ресурстар министрі Ерлан Нысанбаев мәлімдеді.

Министр «Наурыз айында температура көтеріліп, жауын-шашын көп болса еріген қар суынан тау өзендерінде тасқын жүруі мүмкін. Орталық, солтүстік және шығыс аймақтарда қар қалың, наурыз айында жауын-шашын мөлшері айлық нормадан екі және одан да көп түседі деп күтіліп отыр» деді. Ол 11 наурыздағы жағдай бойынша қар астында жатқан аумақ 71%-ды құрайтынын, дегенмен бұл өткен аптаға қарағанда 15%-ға аз екенін атап өтті.

Еліміздің оңтүстігінде: Қызылорда, Түркістан және Жамбыл облыстарында, сондай-ақ, Батыс Қазақстан, Атырау және Маңғыстау облыстарында қар еріп жатыр.

/сурет ашық дереккөзден алынды