Бүгін — медицина қызметкерлерінің кәсіби мерекесі күні
Бүгін Қазақстанда Медицина қызметкерлері күні аталып өтеді. Бұл – дәрігерлердің, мейіргерлердің, фельдшерлердің, фармацевтердің және денсаулық сақтау саласында еңбек ететін барлық мамандардың кәсіби мерекесі.
Қазақстанда бұл мереке жыл сайын маусым айының үшінші жексенбісінде атап өтіледі. Мерекені ресми түрде атап өту 1998 жылғы Қазақстан Республикасы Президентінің Жарлығымен бекітілген.
Медицина қызметкері мамандығы – ең жауапты әрі ең ізгі кәсіптердің бірі. Олар адам өмірін сақтап, халық денсаулығын қорғау жолында тәулік бойы қызмет етеді. Әсіресе соңғы жылдары дәрігерлер мен медицина мамандарының қоғамдағы маңызы айқын көрінді.
Медицина тарихына көз жүгіртсек, бұл мерекенің тамыры кеңестік кезеңге дейін барады. КСРО кезінде медицина қызметкерлерінің кәсіби мерекесі 1980 жылдан бастап маусымның үшінші жексенбісінде аталып өте бастаған. Қазақстан тәуелсіздік алғаннан кейін де осы дәстүр сақталып қалды.
Осы мереке күні медицина саласының үздік мамандары марапатталып, олардың халық алдындағы еңбегі мен кәсіби жетістіктері ерекше атап өтіледі.
Барша медицина қызметкерлерін кәсіби мерекесімен құттықтаймыз! Дендеріңізге саулық, еңбектеріңізге табыс, отбасыларыңызға амандық тілейміз!
petty doctor ready opened online communication system for sick person advisory all uncomfortable painful problem through virtual space with internet in her workplace using computer.
