Қазақстандық боксшылар Испаниядағы Boxam Elite турнирінде үш алтын жеңіп алды

Испанияда өткен беделді Boxam Elite халықаралық турнирінде қазақстандық боксшылар керемет нәтиже көрсетті. Ел намысын қорғаған Төрехан Сабырхан, Махмұд Сабырхан және Санжар Тәшкенбай жарысты алтын жүлдемен аяқтады,- деп хабарлайды FASTNEWS.KZ — ақпараттық сайты.

50 келіге дейінгі салмақ дәрежесінде өнер көрсеткен Санжар Тәшкенбай финалда испаниялық Исмаэля Маграуи Фрианы айқын басымдықпен жеңді. Төрешілер жекпе-жектің қорытындысы бойынша 5:0 есебін тіркеді, ал екінші раундта қарсыласы нокдаунға түсті.

55 келі салмақта жұдырықтасқан Махмұд Сабырхан англиялық Эллиса Троубриджді техникалық нокаутпен жеңіп, чемпион атанды. Екінші раундта қарсыласының алған жарақатына байланысты жекпе-жек дәрігер шешімімен тоқтатылды.

Ал 70 келі салмақ дәрежесінде сынға түскен Төрехан Сабырхан үндістандық Дипакты 5:0 есебімен жеңіп, турнирдің үшінші алтынын Қазақстан қоржынына салды.

Осылайша, қазақстандық боксшылар Boxam Elite турнирінде жоғары дайындық деңгейін көрсетіп, халықаралық аренадағы мықтылығын тағы бір мәрте дәлелдеді.